گرنگترین بڕگەکانی جارنامەی دەستووری سوریا
ـ لە جاڕنامەی دەستووری سووریا  بڕیار دراوە لە ماوەی ئینتقالیدا دەسەڵاتی جێبەجێکردن بۆ سەرۆک کۆمار سنووردار بکرێت. بۆ دەستەبەرکردنی کردەوەی خێرا و بەڕووبوونەوەی هەر ڕووداوێک لەو قۆناغەدا.
ـ بڕیاردراوە دەسەڵاتەکان بە تەواوی جیابکرێنەوە، یەک دەسەڵاتی تایبەت بدرێت بە سەرۆک، ئەویش راگەیاندنی باری نائاساییە
ـ بڕیار دراوە دادگای دەستووری هەڵبوەشێنرێتەوە و مافی دیاریکردنی دادگایەکی دەستووری نوێ بە سەرۆکی کۆمار بدرێت تا بەپێی یاسای پێشوو ئەرکەکانی خۆی جێبەجێ بکات تا ئەو کاتەی یاسایەکی نوێ دەردەچێت.
ـ جاڕنامەی دەستووری چوار بەشی "جیاکردنەوەی ڕەها"ی دەسەڵاتەکانی لە وڵات دیاری کردووە کە لە سەردەمەکانی پێشوودا سەرۆکایەتی کۆماری هەموو دەسەڵاتەکانی سنووردار کردبوو.
ـ ئەم جارنامەیە جەختی لە کۆمەڵێک ماف و ئازادیی بنەڕەتی وڵات کردەوەتەوە، لەوانە "ئازادی بیروڕا و ڕادەربڕین" و "مافی بەشداری ژنان".
ـ جاڕنامەی دەستووری، "ماوەی ئینتقالی پێنج ساڵە"ی دیاری کردووە، لەگەڵ دامەزراندنی "کۆمیسیۆنی دادپەروەری ئینتقالی" بۆ "دیاریکردنی لێپرسینەوە و جێگیرکردنی ڕاستییەکان و دابینکردنی دادپەروەری بۆ قوربانییەکان و ڕزگاربووان".
ـ لە جاڕنامەی دەستووردا هاتووە، "لەبەرئەوەی پرەنسیپی جیاکردنەوەی دەسەڵاتەکان لە سیستمە سیاسییەکاندا ئامادەنەبوو، بە ئەنقەست پەنامان بۆ جیاکردنەوەی ڕەهای دەسەڵاتەکان برد"، دوای ئەوەی پێشتر سورییەکان "بە دەست دەستدرێژیی سەرۆکی کۆمار بۆ سەر لقەکانی دیکەی حکومەت" زەرەرمەند بوون.
ـ بەپێی جاڕنامەی دەستووری، سەرۆکی ئینتقالی بەرپرسیارە لە "دانانی یەک لەسەر سێ"ی ئەندامانی ئەنجومەنی گەل، کە بەرپرسیارە لە "تەواوی پرۆسەی یاسادانان لەسەر خۆی".
ـ لە قۆناغی داهاتوودا کۆمیسیۆنێکی باڵای هەڵبژاردنەکان پێکدەهێنرێت بۆ سەرپەرشتیکردنی هەڵبژاردنی ئەندامانی ئەنجومەنی گەل.
ـ سەرۆکی کۆمار دەسەڵاتی جێبەجێکردن دەگرێتە ئەستۆ، وەزیرەکان هاوکاری دەکەن لە ئەرکەکانیدا، هەنگاوێک کە ئەلعەواک وتی "هەڵبژاردنێکی گونجاوە لەسەر بنەمای پێویستی کردەوەی خێرا بۆ چارەسەرکردنی هەر کێشەیەک یان ڕووداوێک لە ماوەی ئینتقالیدا".
ـ ئەم جارنامەیە جەختی لەسەر "سەربەخۆیی" دەسەڵاتی دادوەری کردەوە و "دامەزراندنی دادگای تایبەتی قەدەغە کراوە"، کە سورییەکان لە سەردەمەکانی ڕابردوودا زیانێکی زۆریان لێ کەوتووە.
ـ سەبارەت بە ئازادی و مافەکان، جاڕنامەی دەستووری، "ماف و ئازادییەکی بەرفراوان، لەوانەش ئازادی بیروڕا، ڕادەربڕین، ڕاگەیاندن، بڵاوکردنەوە و ڕۆژنامەگەری" دیاری کردووە. هەروەها “مافی بەشداریکردنی ژنان لە کار و خوێندن”دا دیاری کردبوو و “مافی کۆمەڵایەتی، ئابووری و سیاسی”ی بۆ گەرەنتی کرد.
ـ لە جارنامەی دەستوریدا “پێویستی پێکهێنانی لیژنەیەک بۆ نووسینی دەستوورێکی هەمیشەیی” هەیە.

ژمارەی خوێندراو : 344 جار