لە یەک ڕۆژدا لە غەززە زیاتر لە ١٨٠ منداڵ کوژراون

7 رۆژ پێش ئێستا

🔹 ئاژانسی نەتەوە یەکگرتووەکان بۆ هاوکاری و کاروبارەی پەنابەرانی فەڵەستین لە ڕۆژهەڵاتی ناوەڕاست (UNRWA):

ـ تەنیا لە یەک ڕۆژدا لە غەززە زیاتر لە ١٨٠ منداڵ کوژراون. ئەگەر سەرلەنوێ ئاگربەست فەراهەم نەکرێتەوە، ئەوا لەدەستدانی گیانی بە ڕێژەیەکی زۆر بەردەوام دەبێت" .

ـ لە ئاکامی ئەو هێرشانەی سوپای ئیسرائیل لە حەوتی تشرینی یەکەمی ٢٠٢٣ەوە هەتا ئێستا دەیکاتە سەر غەززە، نزیکەی ١٨ هەزار منداڵ گیانیان لەدەستداوە کە زیاتر لە هەزار منداڵیان منداڵی ساوابوون.

ـ سوپای ئیسرائیل لە ١٨ی ئاداردا ئەو ئاگربەستەی شکاند کە لە ١٩ی کانوونی دووەمدا لە کەرتی غەززە ڕاگەیاندرا و، سەرلەنوێ دەستی بە هێرش و پەلامارە تەندەکانی کردەوە، لە ئاکامی ئەو هێرشانەشدا زیاتر لە ٨٣٠ کەس گیانیان لەدەستداوە کە زۆربەیان کەسانی بەتەمەن و ژن و منداڵن و، هەزار و ٦٦٣ کەسیش برینداربوون.
ـ هاوکات ژمارەی ئەو کەسانەی لە ئاکامی هێرشەکانی ئیسرائیلدا کە لە حەوتی تشرینی یەکەمی ٢٠٢٣ەوە هەتا ئێستا دەیکاتە سەر کەرتی غەززە گیانیان لەدەستداوە، بەرزبووەتەوە بۆ ٥٠ هەزار و ١٨٣ کەس و، ژمارەی بریندارانیش گەیشتووەتە ١١٣ هەزار و ٨٢٨ کەس.

ژمارەی خوێندراو : 44 جار

هەواڵی زیاتر