بنەماڵەی دیلە زایۆنییەكان: ناتانیاهۆ شەڕی هەڵگیرساندەوە.
میدیاکانی زایۆنییەكان بڵاویانکردەوە، ئێوارەی ئەمڕۆ ، بنیامین ناتانیاهۆ، سەرۆکوەزیرانی ئیسرائیل، کابینەی ئەمنی و سیاسی قەوارەكەی ، بۆ وەرگرتنی ڕاپۆرتێکی ورد لە تیمی دانوستانکار کە لە دۆحە دەگەڕێتەوە، بۆ كۆبوونەوە بانگهێشت دەکات، هاوکات بنەماڵەی زیندانیانی زایۆنی خۆپیشاندانیان ئەنجامدا و داوای گەڕانەوەی کوڕەکانیان بەکۆمەڵ کرد.
بڕیارە حكومەتەكەی ناتانیاهۆ هەنگاوەکانی داهاتوو سەبارەت بە ڕێککەوتنی ئاگربەست لە کەرتی غەززە تاوتوێ بکات، ئەمەش دوای ئەو دانوستانانەی کە لە چەند ڕۆژی ڕابردوودا لە دەوحە لە ژێر ڕۆشنایی پێشنیاری نوێی ئەمریکا ئەنجامدرا، کە بزووتنەوەی خۆڕاگری ئیسلامی (حەماس) ڕایگەیاند کە وەڵامی ئەرێنییان بۆ داوەتەوە.
کەناڵی 12ی ئیسرائیل بڵاویکردەوە، ئەگەری هەیە سەرکردایەتی سیاسی بە سەرۆکایەتی ناتانیاهۆ بڕیاری دەستپێکردنی ئۆپەراسیۆنی سەربازی سنووردار لە کەرتی غەززە بۆ فشارخستنە سەر حەماس بدات.
ئەم هەواڵە هاوکات بوو لەگەڵ هێرشی ئاسمانی ئیسرائیل بۆ سەر بەیت لاحیا لە باکووری کەرتی غەززە لە پاش نیوەڕۆی ئەمڕۆ کە بووە هۆی گیانلەدەستدانی نۆ فەلەستینی کە لە نێویاندا ڕۆژنامەنووس و کارمەندانی فریاگوزاری هەبوون.

خۆپیشاندان لە ئیسرائیل
خانەوادەی زیندانیانی زایۆنی لە کەرتی غەززە ئێوارەی ئەمڕۆ چەند خۆپیشاندانێکیان سازکرد لەژێر دروشمی "ئێمە بارمتەکانمان بە یەکجاری و ئێستا دەویت" خۆپیشاندەران داوای رێكەوتنیك دەكەن كە تیایدا سەرجەم دیلەكان بە یەجار رزگار بكرین نەک بە قۆناغ، لە بەرامبەر کۆتاییهێنان بە شەڕ.
هەروەها خوپیشاندەران دەڵین  "کات تەواو دەبێت و ئێستا دەرفەتەکە پێگەیشتووە، ڕەنگە دەرفەتێکی دیکە نەبێت بۆ ڕزگارکردنیان".
خۆپیشاندەران هۆشیارییان دەیە حكومەت و رایگەیاند حکومەت دەبیت پابەند بێت بە کۆتاییهێنان بە شەڕ و جێبەجێکردنی ڕێککەوتنەکە، شەڕ هەلنەگیرسینێتەوە".
خۆپیشاندەران رۆژی رابردوو  پێشوازیان لە ڕاگەیاندنی حەماس کرد کە ڕەزامەندی دەربڕی لەسەر ئازادکردنی زیندانی ئیسرائیلی ئیدان ئەلێکساندەر کە خاوەنی ڕەگەزنامەی ئەمریکییە لەگەڵ تەرمی چوار بەندکراوی دیکە کە دوو ڕەگەزنامەیان هەیە.

بە یەکجارەکی
ئێوارەی ئەمرۆ لە ڕاپۆرتێکی هەواڵی خێرادا، باوکی سەربازێکی ئیسرائیلی کە لە غەززە بە دیل گیرابوو، ڕایگەیاند، "ئازادکردنی هەموو ئەمریکییەکان لە غەززە هەستێک دروست دەکات کە ئیسرائیل دیلەکانی ناوێت".
لە کاتی خۆپیشاندانەکەیاندا لە تەلئەبیب، بنەماڵەی زیندانییەکان ڕایانگەیاند، "دەبێت هەموو ڕفێنراوەکان بە یەکجار بگەڕێندرێنەوە، ئێستا".

لە بەیاننامەیەکدا کە لەلایەن بنەماڵەکانەوە بڵاوکراوەتەوە، ئاماژە بەوە کراوە کە "جەنگ ڕفێنراوەکان ناگەڕێنێتەوە، بەڵکو دەیانکوژێت"، ئاماژەیان بەوەکردووە، "دوای 526 ڕۆژ، 59 ژن و پیاوی ڕفێنراو هێشتا لە غەززەدان"، بەپێی بەیاننامەکە.
بنەماڵەی زیندانییەکان داوایان لە دۆناڵد ترەمپ، سەرۆکی ئەمریکا کردووە، بەردەوام بێت لە فشارخستنە سەر ناتانیاهۆ تا ئەوکاتەی هەموو ڕفێنراوەکان دەگەڕێنرێنەوە، دەشڵێت، حکومەت ترسی لە "خەبات"یان هەیە و دووپاتی دەکەنەوە کە بە گەڕاندنەوەی "هەموو ڕفێنراوەکان" سەردەکەون.

حەماس وەڵامی "ئەرێنی" دەداتەوە.
حەماس ڕۆژی هەینی ڕایگەیاند کە وەڵامی خۆی بۆ پێشنیازی ناوبژیوانان پێشکەش کردووە، هەروەها بە شێوەیەکی بەرپرسیارانە و ئەرێنی مامەڵەی لەگەڵدا کردووە، ڕایگەیاندووە کە شاندی دانوستانکارەکەی بەرەو قاهیرە ڕۆیشتوون بۆ ئەوەی لەگەڵ بەرپرسانی میسر کۆببنەوە و بەدواداچوون بۆ پێشهاتەکانی دانوستانەکان بکەن.
بزوتنه وه که ئاماده یی ته واوی خۆی بۆ ده ستپێکردنی دانوستان و گه یشتن به ڕێککه وتنێکی هه مه لایه نه له سه ڕ پرسه کانی قۆناغی دووه م دووپات کرده وه ، داوای کرد داگیرکه پابه ند بێت به ته واوی جێبه جێکردنی رێكەوتنەكە.
پێشنیاری نێوەندگرەکان ڕۆژی پێنجشەممە لە دەوحە گەیشتە بزووتنەوەی حەماس و ئیسرائیل، هەروەها چوار بڕگەی لەخۆگرتبوو کە چوارچێوەیەکی بۆ ڕێککەوتنی ئاگربەستی هەمیشەیی پێکهێنابوو.

پێشنیازە نوێیەكە
پێشنیازی ناوبژیوانەکان بریتییە لە ئازادکردنی پێنج زیندانی زیندوو لە ئیسرائیل کە لە نێویاندا ئیدان ئەلێکساندەر لە ڕۆژی یەکەمدا، لە بەرامبەر ئازادکردنی ژمارەیەک زیندانی فەلەستینی لە زیندانەکانی ئیسرائیل. دواتر لە ماوەی 50 ڕۆژدا دانوستانی ناڕاستەوخۆ دەستپێدەکات بۆ گەیشتن بە ئاگربەستی هەمیشەیی و ئاڵوگۆڕی زیندانییەکان.
لە پێشنیازەکەدا جەخت لەسەر بەردەوامی ئەو ڕێوشوێنانە کرایەوە کە لە قۆناغی یەکەمدا سەبارەت بە هاتنە ناوەوەی هاوکارییە مرۆییەکان و وەستاندنی ئۆپەراسیۆنە سەربازییەکان ڕێککەوتنیان لەسەر کراوە.
سەرچاوەکان ئاماژەیان بەوەشکردووە، حەماس داوای هەموارکردنەوەی ئەو پێشنیازە دەکات، دیارترینیان ئەوەیە کە بەشێکی دانەبڕاو بێت لە ڕێککەوتنەکەی ١٧ی ژانویە، هەروەها داگیرکەر پابەند بێت بە جێبەجێکردنی مانەوەی قۆناغی یەکەم، لەوانە کردنەوەی دەروازەکان، ڕێگەدان بە چوونە ژوورەوەی هاوکارییەکان، ئاوەدانکردنەوە و کشانەوە لە ڕێڕەوی فیلادلفی

ژمارەی خوێندراو : 295 جار