ئیسرائیل کاتز، وەزیری بەرگری ئیسرائیل ڕایگەیاند، سوپای ئیسرائیلی ڕاسپاردووە وەڵامی سەرچاوەکانی هەڵدانی فڕۆکەکە لە لوبنانەوە بدەنەوە، جەختیشی لەوە کردەوە کە سیاسەتی "سەرزەنشتکردن لە بەرامبەر یاسای بەیروت" جێبەجێ دەکات.
کاتز ئاماژەی بەوەشکرد، ڕێگە نادات هیچ ئاگرێک لە لوبنانەوە بکەوێتە سەر شارۆچکەکانی ئیسرائیل لە جەلیل، حکومەتی لوبنان بەرپرسیار دەکات لە هەر ئاگرکەوتنەوەیەک لە خاکەکەیەوە.
لای خۆیەوە، دەیڤید ئازولای، سەرۆکی شارەوانی میتولا داوای لە بنیامین ناتانیاهۆ، سەرۆک وەزیرانی ئیسرائیل کرد، کە سەرنجی لەسەر دابینکردنی ئاسایش بۆ هاووڵاتیانی ئیسرائیل بێت، نەک سەرقاڵبوون بەو شتانەی کە بە "بابەتی پووچ" وەسفی دەکات، هەروەها داوای نەهێشتنی حزبوڵای لوبنانیشی دووپات کردەوە.
سەرۆکی شارەوانی ماتلە ئاماژەی بەوەشکرد، لەو کاتەوەی ئاگربەست ڕاگەیەندراوە، تەنها 10%ی دانیشتوانەکەی گەڕاونەتەوە بۆ شاری ماتلە.
لەبەرامبەردا نەواف سەلام، سەرۆکوەزیرانی لوبنان ڕایگەیاند، دەبێت ڕێوشوێنی سەربازی بگیرێتەبەر بۆ ئەوەی پشتڕاست بکرێتەوە کە دەوڵەتی لوبنان بە تەنیا خاوەنی دەسەڵاتی بڕیاردانی شەڕ و ئاشتییە، هۆشداریشیدا لەوەی ئۆپەراسیۆنە سەربازییەکان لەسەر سنووری باشوور مەترسی ئەوەیان هەیە وڵاتەکە بکێشنە ناو شەڕێکی نوێوە.
سەلام داوای لە نەتەوە یەکگرتووەکان کرد گوشارە نێودەوڵەتییەکان بۆ سەر ئیسرائیل زیاد بکات بۆ کشانەوە لە ناوچە داگیرکراوەکانی لوبنان.
ئەم لێدوانانە دوای ئەوە دێت کە ڕادیۆی سوپای ئیسرائیل هەڵدانی پێنج موشەک لە لوبنانەوە بەرەو ئیسرائیل پشتڕاستکردەوە، کە سێ لەو موشەکانە ڕێگرییان لێکرا و دوو موشەک کەوتنە ناو خاکی لوبنان، ڕادیۆکە ئاماژەی بەوەدا کە هەڵدانی موشەکەکان لە لوبنانەوە یەکەمجارە لە ماوەی سێ مانگدا و پێشێلکارییەکی جددی لەلایەن حزبوڵڵای لوبنانەوە پێکدەهێنێت.
ئەم پێشهاتانە دوای ئەوە دێت کە داگیرکەری ئیسرائیل لە بەرەبەیانی سێشەممەی ڕابردوو دەستدرێژی خۆی بۆ سەر کەرتی غەززە دەستپێکردەوە، ئەمەش دوای وەستانی دوو مانگە بەپێی ڕێککەوتنی ئاگربەست کە لە ١٩ی ژانویە کەوتە بواری جێبەجێکردنەوە.

ژمارەی خوێندراو : 69 جار