کوڕی وەزیری پێشمەرگە بەبێ هیچ خزمەتێک 4690م زەوی لە باشترین شوێنی سلێمانی وەردەگرێ بەناوی کافتریاوە ، ئێستا داوا دەکات ڕێگەی بدەن بیکات بە شوققە .
کاتێک ئەم ناعەدالەتیانە دەبینیت ، هێزی خزمەت و وانە ووتنەوە و کارت نامێنێ .
لە بنەڕەتدا پێدانی زەوی بە کومپانیاکان بۆ دروست کردنی شوققە دزینی بەشە زەوی مامۆستایان و مووچەخۆرانە ، تا کومپانیاکانی حیزب فێری بازرگانی دروستکردنی شوققە و یەکەی نیشتەجێبوون نەبووبوون زەوی بەپێی ساڵانی خزمەت دابەشدەکرا ، کاتێک ئەوان دەستیان کرد بەو بازرگانییە دابەشکردنی زەوی ڕاگیرا .
هەموو ئەو کومپانیا و کەسایەتیانەی زەوییان وەرگرتووە بۆ دروست کردنی شوققە و یەکەی نیشتەجێبوون ، بەشدارن لەو ستەمەی لە ئێمەی مامۆستایان و مووچەخۆران دەکرێ و دوای 30ساڵ خزمەت 30مەتر زەویمان پێ ڕەوا نابینرێ .
هەر ئەو زەوییەی دراوە بە کوڕی وەزیری پێشمەرگە بەشی 46 مامۆستا و فەرمانبەرە ئەگەر هەر یەکێکیان 100مەتری پێ بدرێ .