ناوەندەكانی فێركردن و لەبەركردنی قورئانی پیرۆز تاكە ئومێدی كۆمەڵگای ئێمەن، ئەوان كۆڵەكەی پاراستنی خێزانن، هۆكاری دڵخۆشی و بەختەوەری وپێكەوە ژیانی خێزانن .
ئەوانن كە ڕۆژانە سەدان و هەزاران گەنجی داوێن پاك و ڕەوشت بەرزو خاوەن ڕوئیە و خاوەن ئامانج پەروەردە دەكەن و، پێشكەشی كۆمەڵگای دەكەن .
لەم كۆمەڵگا وێرانە بەناو دیموكراسییەی كە باسی دەكەن، تەنانەت خوێنی مرۆڤیش هیچ نرخێكی نەماوە . ئەوە باسی ماف و خزمەتگوزراری هەر واز لێبێنە !
ڕۆژانە لە ژێر ناوی جیاواز و پاساوی جیاوازدا خەریكی تێكدانی شیرازەی خێزان و دزینی ڕەوشتی بەرزی مناڵ و گەنجانن، خەریكی ڕشتنی ژەهری جۆراوجۆرن بۆ بیروباوەڕمان .
لە ناو ئەم كاولستانە تەنها شوێنێك كە دڵمان پیێ خۆشەو جێگەی ئومێدە كە بتوانین بە بێ ترس و دڵە راوكێ مناڵەكانمانی بۆ بنێرین، ئەو ناوەندانەن .
ئەوانەی كە خەریكی ئەم پلانەن خۆیان لە ناخەوە ڕوخاون دەرونیان نەخۆشە، چونكە لەم نیعمەتە بێبەشن تێناگەن لە بەختەوەری ئەو ڕێگایە .
با خاوەنی ئەم مێشكە بچوكانە بڕۆن ئامارێك لە دادگاكان وەرگرن بزانن كە ڕۆژانە ئەو تاوانە قێزەونانەی لەم هەرێمەدا ئەنجام دەدرێت، پەروەردەی ناوەندەكانی قورئانن یان ئەهلی باڕو یانە شەوانەكان !؟