چارەنوسمان لە ووتارەكەی ترەمپ دا 

وەك پیاوێكی  زۆر پراگماتی بویە چل و حەفتەمین سەرۆكی ووڵاتێكی زۆر گەورەی جیهانی. زۆر بەكورتی :
1- وەك چاوەڕوان كرا ووتارەكەی زۆر لۆجیكی نەبوو ، ئەمریكایەکەی ئەوەندە تۆخ کردەوە تاڕادەی نەرمە فاشی (ئەمریكا ئەوەلەن).
2- چەپلەیەكی زۆر و ناوی (خودا)هێنان زۆر بوو.
3- ئاشتی بۆ جیهان بوە كارنامەی، بەڵام ئەو جارە لەگەڵ وولاتانی دەوروبەرەكەی كەوتۆتە گرژی.
4- لە هەموی گرنگ تر ووتی (ناچینە هیچ شەڕێك تەنها دژی دوژمنانی ئەمریكا) واتە سیاسەتی سەربازی گۆڕانی  بەسەردادێت.
5- واپێدەچی ئەو سیاسەتەی (پەی ـ پارە بدە) دووبارە ببێتەوەو ووڵاتانی كەنداو دابدۆشی بەناوی پاراستنیان.
6- سروشتی ترەمپ وایە، كەمتر گوێ بە سیستەمی دەولی دەدا و ڕەنگە لەزۆربەی دام ودەزگا دەولیەكان بكشێتەوە.
7- ئەوەی بۆ لای خۆمان گرنگە، هەروەك سەركردەكانی باشور كەسیان بانگ نەكرابوو. ئەوا باشوری كوردستان لە معادەلەكە بە تەواوی دەرچوە ، لەهەمان كات بەغداش دۆخی لەگەڵ ترامپ باش نابێت، واتە هەرێممان بەسەلامەتی دەمێنێتەوە، بەڵام هەر بەرەو لاوازی دەڕوات، ئەوەی هەیە رۆژئاوای كوردستانە ئەویش چارەنوسەكەی زۆر ڕوون نیە بەهۆی توركیاوە.
8- فەرەنسا زۆر پێداگرە لەسەر رۆژئاڤا، بەڵام نێوانی فەرنساو ئەمریكا ئەوەندە  گونجاو نیە.
9- لەبارەی (خاڵی 7)  ئەگەر ترەمپ  نەگونجاو بێت بەرامبەر ڕۆژاڤا، بەڵام لایەنیكی گرنگی ئەوەیە ئیدارەی ترامپ زۆر پێداگرن لەسەر پاڵپشتی رۆژئاڤا.
10- لەكۆی گشتی ئەمریكاو ئەمریكیەكان لەجیهان زۆر زاڵن، لێرە بەولاوە ڕوانگەی  ئیسرائیل و ئەو وولاتانەی سەر بە ئەمریكان لە ڕۆژهەڵاتی ناوەڕاست قسەیان زاڵدەبێت. بزوتنەوە ڕادیكالەكان و بەرەی ئێران بەدۆخێكی سەخت تیدەپەڕن.
11- واپێدەچی لە چەند مانگی داهاتوو توركیاش وەبەر تەنگەبەری بكەوی و سەركەوتنەكەی لە سوریا لێ تاڵ بكەن، دیمەشق زیاتر بەرەو تەوەری (ئیمارات –سعودیە )پاڵ بدەن.
هەڵبەتە ئەو ووتارە وەك تێكست نابێتە سیاسەتی دەرەوەی ئەمریكا. ڕووداو دێنە پێش و زۆری گۆڕانكاری بەسەر دێت.

مسعودعبدالخالق 20/1/2025ز