لە ساڵی ١٩٦١دا ئاڵمانیای ڕۆژھەڵات دەستی کرد بە دروست کردنی دیوارێک لە نێوان دوو بەشی بەرلین، ئەم دیوارە ئەڵمانیای کرد بە دووبەشەوەو لە مێژوودا بە( دیواری بەرلین)، ناسراوە، ئەم دیوارە بوو بە نیشانێکی شەڕی سارد و ئەڵمانیەکانی کردبوو بە دووپارچە، دوای تێکۆشانی بێوچانی ئەڵمانییەکان لە هەمبەر ئەو کارەدا ئەم دیوارە لە ساڵی ١٩٨٩ ڕووخا و ئەم جارە بوو بە نیشانی کۆتایی ھاتنی شەڕی سارد.
سەیتەرەی دێگەڵە
نزیکەی سی ساڵە سەیتەرەی دێگەڵە بوە بە پەڵەیەکی ڕەش بەناوچاوی هەرێمی کوردستانەوە، هەرکاتێک پارتی هەست بە تەنگەتاوی بکات کارتی دێگەڵە چالاک دەکات، هەر لە ڕێگری کردن لە کۆسرەت رەسول و ڕێگری کردن لە یوسف محمدەوە تاوەکوو ڕیگری کردن لە مامۆستایان و فەرمانبەران.
تاریق عەزیز، جێگری سەرۆکوەزیرانی ڕژێمی بەعس و ڕاوێژکاری سەددام حسێن، دەڵێت: ئێمە دوو ئیدارەییمان لە باکوور دروستکرد. هەڕەشەمان لە جەلال تاڵەبانی کرد کە ئەگەر سنووری دیاریکراو تێپەڕێنێ، گاردی کۆماری بەشداری شەڕ دەکات و زۆر بە توندی لە یەکێتی دەدرێت. بەهەمانشێوە لە تشرینی دووەمی (١٩٩٧)، ڕژێمی بەعس ئینزاری مەسعود بارزانیش دەکەن کە سنوری یەکێتی نەبەزێنێت ئەگەرنا دەستتێوەردان دەکەن. ئێران و تورکیاش بەهەمان شێوە ڕۆڵی سەرەکییان لەدروستبوونی ئەم دوو ئیدارەییەدا بینی. دووژمن باش دەیزانی لە داهاتودا دەبێ بەچی بەڵایەک بۆ گیانی ئەم کیانە کوردییە.
ئەم سەیتەرە نەفرەتیە درەنگ یان زوو دەبێ وەک دیوارەکەی بەرلین بڕوخێندرێت و لەبنەوە هەڵتەکێت، هەتاکوو دیواری دێگەڵە مابێت ئەم ناکۆکی و ناعەدالەتیە هەر بەر دەوامە، هەنگاوی یەکەمی شکاندنی ئەم وەهمەی پارتی لە لایەن مامۆستایان و فەرمانبەرانەوە دەستپێکرا، بۆیە گرنگە سەرجەم چین و توێژەکان لە هەنگاوی داهاتوودا بەشداربن لە هەڵتەکاندنی ئەم دیوارە نەفرەتیەو ڕیسواکردنی بەڕێوەبەرە نەفام و دیکتاتۆرەکانیدا.
ئەمیر مام والی