ئێوارەی ئەمڕۆ سێشەممە، دواین تانکەری نەوت لە بیرە نەوتیەکانی حەسیرە بارکران و بەرهەمهێنانی نەوت ڕاگیرا.
سەرچاوەیەک لە کێڵگەی نەوتی گەرمیان وتی ئێوارەی ئەمڕۆ دواین تانکەری نەوتی کێڵگەکە بارکراو کۆگاکان لەنەوت بەتاڵکران.
وتیشی بەرپرسانی کۆمپانیای گازپرۆم تەواوی شۆفێرانی تانکەریان ناردووەتەوە ماڵەوەو کەمپەکەیان داخستووە، پێیان وتوون بۆ کاتێکی نادیار بەرهەمهێنان ڕادەگرن.
کێڵگەی نەوتی گەرمیان چوار بیری نەوتی لە خۆ گرتووەو ڕۆژانە نزیکەی ٤٠ هەزار بەرمیل نەوت بەرهەمی هەیە، کۆمپانیانی گازپرۆمی ڕووسی کاری تێدا دەکات، نەوتەکەی بەتانکەر بۆ خورمەڵە لە پارێزگای هەولێر دەگوازرێتەوەو لەوێشەوە بە بۆریی هەناردەی بەندەری جەیهانی تورکی دەکرێت
ژمارەی خوێندراو : 155 جار