سەرچاوەیەکی سیاسی ئاگادار ئەمڕۆ سێشەممە (26ی
ئابی 2025) ئاشکرای کرد، بەم نزیکانە نێچیرڤان بارزانی سەرۆکی هەرێمی کوردستان سەردانی
هەردوو شاری سلێمانی و بەغدای پایتەخت دەکات.
سەرچاوەکە بۆ بەغداد تودەی ڕوونیکردەوە،
"بارزانی سەرەتا سەردانی شاری سلێمانی دەكات و مەبەستی سەردانەكەش هێورکردنەوەی گرژییەکانی نێوان پارتی دیموکراتی
کوردستان و یەکێتی نیشتمان کوردستان. بڕیارە لەگەڵ سەرکردەکانی یەکێتی کۆببێتەوە،
دیارترینیان بافڵ تاڵەبانی سەرۆکی یەكیتی".
ئەو سەرچاوەیە ئاماژەی بەوەشکرد، "دواتر نێچیرڤان
بارزانی سەردانی بەغدا دەکات و لەگەڵ سەرکردەکانی هاوپەیمانی ئیدارەی دەوڵەت و سەرۆکی
حکومەت کۆدەبێتەوە، بە ئامانجی چارەسەرکردنی
کێشە هەڵپەسێردراوەکانی نێوان حکومەتی فیدراڵی و حکومەتی هەرێم".
ژمارەی خوێندراو : 283 جار