ڕێکخراوی پزیشکانی بێ سنوور هۆشداری دەدات لە هەڕەشەی ئیسرائیل بۆ سەر چالاکییە مرۆییەکانی لە غەززە
پزیشکانی بێ سنوور ڕۆژی دووشەممە هۆشدارییان دا کە ڕێکارە نوێیەکانی ئیسرائیل سەبارەت بە تۆمارکردنی ڕێکخراوە نێودەوڵەتییەکان کە لە کەرتی غەززە و کەرتی ڕۆژئاوای داگیرکراودا کاردەکەن، چالاکییە مرۆییەکان و چاودێری تەندروستی دەخاتە مەترسییەوە.
ڕێکخراوەکە لە بەیاننامەیەکدا ڕایگەیاندووە کە یاسا نوێیەکانی ئیسرائیل تا ساڵی ٢٠٢٦ سەدان هەزار کەس لە غەززە لە دەستڕاگەیشتن بە چاودێری تەندروستی بێبەش دەکات.
ڕێکخراوەکە ڕوونیشیکردەوە، ئەو مەرجانەى کە دانراون بۆ ریکخراوەکان هەڕەشەی لە کشانەوەی تۆمارکردنی ڕێکخراوەکان دەکەن لە سەرەتای مانگی یەکی داهاتووەوە، ئەمەش ڕێگری لە توانای ڕێکخراوە سەربەخۆکان دەکات بۆ پێشکەشکردنی خزمەتگوزارییە سەرەتاییەکانیان لە ئێستادا کە سیستەمی تەندروستی لەو کەرتەدا بە تەواى لەناو چووە
ژمارەی خوێندراو : 183 جار