لەتیف شێخ مستەفا
کاتێک جۆرێکی تاوان یان رێژەی تاوانی چینێک یان توێژێک زۆر دەبێت و لە کۆنترۆل دەردەچێت، دادگای تایبەتمەند و بنکەی پۆلیسی تایبەتمەندی بۆ دەکرێتەوە .
لەم ڕوانگەیەوە، ئەگەر وابڕوات کە رۆژبەرۆژ ژمارە و رێژەی تاوانەکانی کور و کچی مەسولەکان زیاد دەبێت و پۆلیس و ئاسایشی ئاسایی پێانڕاناگەن، پێشنیاز دەکەین بەرێوەبەرایەتیەک بۆ بەگژاچونەوەی تاوانی کوڕ و کچە لاسار و تاوانکارەکانی مەنسولەکان بکرێتەوە لەسەر شێوازی بەرێوەبەرایەتی توندوتیژی خێزانی .
ھەروەھا پێشنیازیش دەکەین لیژنەی سوڵحیشیان لە بەرێوەبەرایەتیەکە بۆ دابنرێت، بۆئەوەی لە کۆتایی لێکۆلینەوە دادگایی نەکرێن چونکە جیاوازن، پارەو دەسەلاتیان ھەیە بۆیە دەبێ سوڵحیان بۆ بکرێت و موعەزەز موکەڕەم دوای ماوەیەک مانەوە لە زیندن و ھێور بونەوەی نارەزایەتی خەلک و بیرچونەوەی کێشەکە ئازاد بکرێن .
ئەی دەبێ جیاواز بن خۆ نابێ وەک کور و کچی خەڵکی ئاسایی مامەڵەیان لەگەل بکرێت .