کورت و پوخت:
لەبەر ئەم سێ هۆکارە غەززە سەرکەوت و براوەی جەنگەکە بوو

یەکەم- ئیسرائیل نەیتوانی کۆتایی بەبوونی چەکداری (ح..م..س) بهێنێ و تا ئاگربەست توانییان ئیدارەی جەنگ بدەن و تەسلیم نەبوون، سەرباری بەکارهێنانی ئەو هەموو تەکنەلۆجیا پێشکەوتووە سەربازییەو ئەو کۆمەکە بێشومارەی ئەمەریکاو رۆژئاوا بۆ ئیسرائیل.

دووەم- پلان و پرۆژەی راگواستنی دانشیتوانی غەزە بۆ نیمچە دوورگەی سینا شکستی هێناو سەری نەگرت، هەروەک روداوی حەوتی ئۆکتۆبەرو دەستپێشخەری بۆ هێرشکردنە سەر ئیسرائیل پلانی پێشوەخت بوو بۆ شکستپهێنانی ئەو پرۆژەو پلانە، کە زۆربەی وڵاتانی عەرەبی و ئیسلامی رازی بووبوون تەنها سعودیە مابوو پەیوەندییەکانی لەگەڵ ئیسرائیل ئاسایی بکاتەوەو ئەویش رازی بێت، گەر تەمەن باقی بووایە بەئەگەری زۆرەوە رازی بوونی ئەویشمان دەبینی و ئاماژەو ئاراستەی رووداوو پێشهاتە سیاسییەکان بەو ئاقارەدا دەچوون.

سێیەم- دانیشتووانی غەزە ئاڵای سپییان هەڵنەکرد و تەسلیم نەبوون سەرەڕای شەهیدبوونی زیاتر لە45 هەزار کەس و برینداربوونی زیاتر لەسەد هەزارو دۆخێکی پڕ برسێتی و تراژیدیا.

دواجار خەباتی غەزەو فەلەستینییەکان وەک کورد لەهەر چوار پارچەی کوردستان خەباتێکی رەوایە لەپێناوی خاک و ناسنامەیاندا و مێژوویەکی دوورو درێژیان لەبەرخودان و قوربانی هەیە لەپێناوی پرسە رەواکەیاندا.

بۆیە وەک ئەرکی ئایینی و مرۆڤایەتی و وەک کورد، ئێمەش نەتەوەیەکی ستەملێکراوو چەوساوەین دڵخۆشبین بەسەرکەوتنی غەزەو فەلەستینییەکان.