مامۆستا تاهیر بامۆکی
ـــــــــــــــــــــــــــــــــــــــــــ
ئەم پارشێوە هەواڵێکی جەرگبڕم بیست، وتیان شەش کەسی بنەماڵەیەک کوژراون!!!!!! لاحول ولا قوة الا باللە انا للە وانا الیە راجعون، دوو ڕۆژ لەمەوپێش وتیان لە شاری هەولێریش چوارکەس کوژراون!!!! لاحول ولا قوة الا باللە ..........
بەڕاستی کارەساتە بەڕاستی موصیبەتە لەمانگی ڕەمەزاندا و لەهەرێمی کوردستان بەهەر بیانویە بوبێت،
دەبێت زانایانی ئاینی کوردستان و دادوەرەکانی کوردستان و سەرۆکی حیزبەکان بێنە دەنگ هەڵوێست وەربگیرێت، بڕیار دەربکرێت، ئایا ئێمە هەواڵ بخوێنینەوە و ببیستین و پاشان وەک هیچ نەبوبێت بێ دەنگ بین نابین بەشەریکی تاوانبارەکان، ئایا خێزانەکان ناترسن سبەینێ لەهەر ماڵێکی تردا ئەو جەریمە سێ بارە ببێتەوە؟ ئایا دەزگاکانی بەڕێوەبردنی وڵات نابێت سنورێک بۆ ئەم هەواڵانە دابنێن؟
تکا دەکەم بیر لە چارەسەری هۆکارەکان بکەنەوە......
من وادەزانم :
١- بڵاوکردنەوەی ئەو جۆرە هەواڵانە لە کەناڵ و سۆشیال میدیاکانەوە هۆکارێکە بۆ دووبارە بونەوەیان.
٢-بوونی چەکی مۆڵەتدار و بێ مۆڵەت و دابەشکردنی چەک لەکاتی هەڵبژاردنەکاندا یەکێ ترە لەهۆکارەکانی زۆربوونی ئەم جۆرە کارەساتە.
٣-دابەستن و قەڵەوکردنی قاتلە عەمدەکان و هەڵگرتنی سزای لەسێدارەدان یەکێ ترە لەهۆکارەکان خوا دەفەرموێ: ولکم فی القصاص حیاة یا آولی الالباب.....
٤-چارەسەر نەکردنی کێشە کۆمەڵایەتییەکان و نەبڕینەوەی بەتەواوی هۆکارێکی تری ئە پەتا و ئافاتانەیە.
٥-خستنە سەر پشتی سنورەکان بۆ هەموو جۆرە کەسێک و هاتنی حەشیش و موخەدر و حەب و شروب و هەموو جۆرە عارەق و سەرخۆش کەرێک یەکێ ترە لە هۆکارەکانی ئەم بەڵایە....
٦-لاوازی ئیمان بەخوا و ڕۆژی قیامەت و خراپ حاڵی کردنی هەندێ لە ڕۆڵەکانی ئەم گەلە لە ئاین و فتوای سەرپێیی و ساندویچ کراو و غیرەت دان بەگەنجێکی موراهیق قسە بڵێ بە زاناگەورەکان و قسە بە باوک و دایکی بڵێ و بە موشریکیان بزانێ چونکە مامۆستا خەواریجەکەی فتوای بۆداوە و ئەیدات ئاسایی دەبێتەوە ڕۆژێک پەلامارێ دایک و باوکی بدات و وابزانێ غەزای بەدر و حونەینی کردوە.
هیوادارم هۆکارە سەرەرەکییەکان دەست نیشان بکرێن و بەدوای چارەسەری بنەڕەتیدا بگەڕێن و جێ بەجێش بکرێن.
جارێکی تر دەڵێم خوایە زۆرم پێ ناخۆشە و بە جەریمەی دادەنێم بەهەر پاساو و بیانو ناوێکەوە ئەو کارانە بکرێن. من قتل نفسا بغیر نفس او فساد فی الارض فكانما قتل الناس جمیعا، ومن احیاها فكانما احیا الناس جمیعا....