ڕوون میدیا
وەزارەتی دارایی حکومەتی هەرێمی کوردستان دەڵێت "هۆکاری پلەبەرزنەکردنەوەی فەرمانبەران، نەبوونی یاسای بودجەیە"
لە وەڵامی نوسراوێکی پەرلەمانتار (عومەر گوڵپی)، سەبارەت بە ڕاگرتنی پلەبەرزکردنەوەی فەرمانبەران، وەزارەتی دارایی ڕایگەیاندووە "ڕاگرتنی پلەبەرزکردنەوەی فەرمانبەران بەپێی مادەی (١٩) ی یاسای ژمارە (٣٤) ی ساڵی (١٩٦٠) ی یاسای خزمەتی شارستانی بووە .
ئاماژەیبەوەشکردووە "دەکرێت پلەبەرزکردنەوە دەستپێبکاتەوە بە پەسەندکردنی یاسای بودجەی گشتیی کە شایستە داراییەکان و پلەی چۆڵ بۆ پلەبەرزکردنەوەی تێدا پەسەند بکرێت"
لایخۆیەوە عومەر گوڵپی پەرلەمانتاری کوردستان ڕایگەیاندووە "لە داواکاری گشتی سکاڵایان لەسەر ئەنجومەنی وەزیران تۆمارکردووە، چونکە بریاری ڕاگرتنی پلەبەرزکردنەوە نایاساییە"
دەشڵێت "پلەبەرزکردنەوە بۆ هەرسێ سەرۆکایەتییەکە و کەرتی سەربازییش کراوە، تەنها ئەم ستەمە لە مامۆستایان و فەرمانبەران درێژەی هەیە"

ژمارەی خوێندراو : 346 جار