وه‌زاره‌تی دارایی و ئابووری حكومه‌تی هه‌رێمی كوردستان دابه‌شكردنی مووچه‌ی فه‌رمانگه‌و وه‌زاره‌ت و ده‌سته‌كان خێراتر ده‌كات و بۆ ئه‌و مه‌به‌سته‌ش سبه‌ینێ دووشه‌ممه 26ی ئابی 2019، مووچه‌ی 19 وه‌زاره‌ت و ده‌سته دابه‌ش ده‌كات.
وه‌زاره‌تی دارایی و ئابووری حكومه‌تی هه‌رێمی كوردستان له خشته‌یه‌كدا كه بڵاویكردووه‌ته‌وه، سبه‌ینێ دووشه‌ممه مووچه‌ی مانگی ئایاری 2019ی 19 وه‌زاره‌ت و ده‌سته دابه‌ش ده‌كات.
له‌و وه‌زاره‌تانه‌ی سبه‌ینێ دووشه‌ممه مووچه وه‌رده‌گرن، وه‌زاره‌تی شاره‌وانی و گه‌شتوگوزار، پلاندانان، گواستنه‌وه‌و گه‌یاندن، كاره‌با، كشتوكاڵ و سه‌رچاوه‌كانی ئاو، ئاوه‌دانكردنه‌وه‌و نیشته‌جێكردن، رۆشنبیری و لاوان، پشه‌سازی و بازرگانی.
هه‌روه‌ك له باره‌ی ده‌سته‌كانیشه‌وه هاتووه، ده‌سته‌كانی مافی مرۆڤ، ژینگه، ده‌ستپاكی، ده‌سته‌ی وه‌به‌رهێنان، ده‌سته‌ی ناوچه‌كانی ده‌ره‌وه‌ی هه‌رێم، كۆمسیۆن، ده‌سته‌ی ژینگه، دیوانی چاودێری دارایی، ده‌زگای گشتی مین، سه‌رۆكایه‌تییه‌كانی په‌رله‌مان، هه‌رێم و حكومه‌ت مووچه وه‌رده‌گرن.
ژمارەی خوێندراو : 395 جار