ڕوون
میدیا
بەپێی ڕاگەیەندراوێكی مەسرور بارزانی سەرۆكی حكومەتی هەرێمی كوردستان،
ئەمڕۆ پێشوازیكردووە لە شاندێکی هاوبەشی یەکێتی ئەوروپا لە عێراق و سوریا کرد بە
سەرۆکایەتی ڤیلە ڤاریۆلا باڵیۆزی یەکێتیی ئەوروپا لە عێراق .
ڕاگەیەندراوەكەی مەسرور بارزانی دەڵێت " باڵیۆز ڤاریۆلا ستایشی پرۆسەی
چاکسازییەکانی کابینەی نۆیەمی حکومەتی هەرێمی کوردستان و ئەو هەڵمەتی
ئاوەدانکردنەوەیەی کرد کە ئێستا لە هەرێمی کوردستان هەیە" .
ئاماژەیبەوەشكردووە " سەرۆکی نێردەی یەکێتیی ئەوروپا لە سوریا، سوپاسی
هاریکاریی مرۆیی حکومەتی هەرێمی کوردستانی بۆ پەنابەرانی سوریا لە هەرێم و
ئاسانکاری هاتووچۆی نێوان هەرێمی کوردستان و ناوچەکانی باکووری ڕۆژهەڵاتی سوریا
کرد" .
سەبارەت بە هەڵبژاردنەكانی هەرێمی كوردستانیش، مەسرور بارزانی
ڕایگەیاندووە " لە
تەوەرێکی دیکەی کۆبوونەوەدا، پشتیوانی حکومەتی هەرێمی كوردستانمان بۆ ئەنجامدانی
پرۆسەی هەڵبژاردنی پەرلەمانی کوردستان لە نزیکترین کاتدا دووپات کردەوە و ئامادەیی
حکومەتیشمان بۆ هەر هاریکاریی و کارئاسانییەک، بۆ ئەم مەبەستە ڕاگەیاند"
ژمارەی خوێندراو : 237 جار