وەزارەتی پەروەردەی هەرێم رایگەیاند، نابێت لەکاتی تاقیکردنەوەی نیشتمانی پۆلی ١٢ـی ئامادەیی چاودێر و سەرپەرشتیار و خوێندکارەکان هیچ ئامێرێکی ئەلیترۆنییان پێبێت و بڵاوکردنەوەی پرسیارەکان دوای تاقیکردنەوە رێگەپێنەدراوە.
ئەمڕۆ پێنجشەممە، وەزارەتی پەروەردەی هەرێم لە راگەیاندراوێکدا رێنماییەکانی تاقیکردنەوەی پۆلی ١٢ـەی بڵاوکردەوە و تێیدا هاتووە، بڵاوکردنەوەی پرسیارەکان لە دوای تاقیکردنەوە رێگە پێدراو نییە و هەر چاودێر و سەرپەرشتیارێکیش ئەو کارە بکات رووبەڕووی یاسا دەکرێتەوە.
ئەوەش خراوەتە روو، دوای تاقیکردنەوەش چاودێر و سەرپەرشتیار و مامۆستاکانیش بۆیان نییە وەڵامی پرسیارەکان وپرسیارەکان بڵاوبکەنەوە تەنها لیژنەی تاقیکردنەوەکان دەتوانن کۆپییەکی پرسیارەکان بەبێ وەڵام بڵاوبکەنەوە.

ژمارەی خوێندراو : 153 جار