بەبڕیاری بافڵ تاڵەبانی 20 كاندیدی دەرنەچووی یەكێتی دەكرێن بە بەڕێوەبەری گشتی.
بە بەڵێنی بافڵ تاڵەبانی، لە كابینەی داهاتووی حكومەتی هەرێم، وەك پاداشتێك 20 كاندیدی دەرنەچووی یەكێتی دەكرێن بە بەڕێوەبەری گشتی.
بەپێی زانیارییەكان، لە كاتی بەڕێوەچوونی هەڵمەتی بانگەشەی هەڵبژاردن بەشێك لە كاندیدەكانی یەكێتی لە هەولێرو سلێمانی نیگەرانی ئەوە بوون كە شانسی دەرچونیان نییە بۆ پەرلەمانی كوردستان بۆیە ناتوانن بەشێوەیەكی فراوان كار بكەن و داوای دەنگ لە خەڵك بكەن.
بافڵ تاڵەبانی بۆ هاندانی كاندیدەكانی حیزبەكەی تا بەشێوەیەكی جددی بەردەوام بن لە كاركردن، بەڵێنێكی بەسەرجەم كاندیدەكان داوەو پێی ڕاگەیاندون كە هەر كاندیدێكی یەكێتی بتوانێت 2500 دەنگ بە دەست بهێنێت ئەوا لەو پۆستانەی بەر یەكێتی دەكەن لە كابینەی داهاتووی حكومەتی هەرێم و حكومەتی خۆجێی شارەكان ئەو كەسانە بە پلەی بەڕێوەبەری گشتی دادەمەزرێنێت.
20كاندیدی یەكێتی لە هەر یەك لە بازنەكانی هەولێرو دهۆك توانیویانە زیاتر لە 2500 دەنگ بە دەست بهێنن و بەپێی بڕیارەكەی سەرۆكی یەكێتی دەبێت پۆستی بەڕێوەبەری گشتییان پێبدرێت.
#روون_میدیا
ژمارەی خوێندراو : 79 جار