کەمال محەمەد ساڵح له‌گه‌ڵ لیوجیون کونسوڵی گشتیی کۆماری میللی چین لە هەرێمی کوردستان كۆبوه‌وه‌، کونسوڵی چین نزیکبونەوەی گەیشتن بە چارەسەری دۆسێی نەوتی نێوان عێراق و هەرێمی کوردستانی بەرز نرخاند و ئامادەیی وڵاتەکەشی بۆ  پاڵپشتیکردنی ئەم هەنگاوانە پیشاندا. 
وەزیری سامانە سروشتییەکان ئاماژەی بە چارەسەرکردنی کێشە و ئاستەنگەکانی بەردەم هەناردەکردنەوەی نەوتی هەرێم کرد کە بەمنزیکانە ڕو لە چارەسەرکردن دەکات، هەروەها وەبەرهێنان و کار و پرۆژە و چالاکیی وڵاتی چینی لە هەرێمی کوردستان بەرز نرخاند.
له‌ 25ی (ئازار/3)ی 2023ه‌وه‌ هه‌نارده‌ی نه‌وتی هه‌رێمی كوردستان له‌ ڕێگه‌ی بۆرییه‌وه‌ ڕاگیراوه‌، ئه‌وه‌ش دوای ئه‌وه‌ی به‌غدا سكاڵایه‌كی له‌ دادگای پاریس تۆماركرد و دادگاكه‌ بڕیاریدا به‌ ناده‌ستوریبونی فرۆشتنی نه‌وتی هه‌رێم له‌لایه‌ن حكومه‌تی هه‌ولێره‌وه‌ له‌ ڕێگه‌ی به‌نده‌ری جه‌یهانی توركیا.

ژمارەی خوێندراو : 62 جار