لە ئۆپەرسیۆنێکی هاوبەشدا، هێزەکانی ئەمریکا و سعودیە زنجیرەیەک هێرشی ئاسمانییان کردە سەر چەند بارەگایەکی حەشدی شەعبی لە ناوچە جیاوازەکانی عێراق، بەپێی ئامارە سەرەتاییەکان لە ئەنجامی ئەم هێرشانەدا ٢٠ کەس کوژراون و ٣٢ی دیکەش بریندار بوون.
دەستەی حەشدی شەعبی لە بەیاننامەیەکی فەرمیدا ڕایگەیاند کە لێدانەکان بوونەتە هۆی کوژران و برینداربوونی ژمارەیەک لە چەکدارەکانیان ، جگە لە زیانی مادی بەرچاو کە بەر بینا و موڵکەکانیان کەوتووە. دەستەکە ئاماژەی بەوەش کرد کە گەڕان بەدوای زیانەکان لە شوێنی ڕووداوەکان هێشتا بەردەوامە.
ڕایگەیاند ئەم ئۆپەرسیۆنە بە هەماهەنگی لەگەڵ هێزە چەکدارەکانی سعودیە ئەنجام دراوە و ئامانج لێی پێکانی "تێرۆریستانی لایەنگری ئێران" بووە. ئەمریکا ئەو گرووپانە تۆمەتبار دەکات بە ئەنجامدانی هێرشی فڕۆکەی بێفڕۆکەوان (درۆن) بۆ سەر هێزەکانی ئەمریکا و دامەزراوەکانی وزە لە ناوچەکە.
لە لایەنی خۆیەوە ڕایگەیاند کە هێزەکانیان لێدانی "دیاریکراو"یان دژی گرووپە چەکدارەکانی پشتیوانیکراو لەلایەن ئێران ئەنجامداوە، وەک وەڵامێک بۆ ئەو هێرشە درۆنانیەی کە دامەزراوە نەوتییەکانی ناوچەی ڕۆژهەڵاتی سعودیەیان ئامانج گرتووە. وەزارەتەکە جەختیشی کردەوە کە ڕیاز "هەوڵی ئاڵۆزکردنی دۆخەکە نادات"، بەڵام بە توندی وەڵامی هەر دەستدرێژییەک دەداتەوە کە بەر خاک یان دامەزراوەکانی بکەوێت.
ژمارەی خوێندراو : 59 جار