میدیاکانی ئێران ڕایانگەیاند، کەشتییەکی نەوت هەڵگری وڵاتەکەیان لە نزیک دوورگەی خارک کەوتووەتە بەر هێرشێکی مووشەکیی ئەمریکا.
زانیارییە سەرەتاییەکان:
ئاژانسی "تەسنیم"ی ئێرانی بڵاویکردەوە، هێزەکانی ئەمریکا کەشتییەکەیان لە دووریی ٦ میلی دەریایی لە دوورگەی خارک کردووەتە ئامانج، کاتێک لە ناوچەی لەنگەرگەی دوورگەکەدا بووە.
بەپێی ئاژانسەکە، کەشتییەکە بە ٤ مووشەک کە لەلایەن هێزەکانی ئەمریکاوە تەقێنراون، پێکراوە.
ئاژانسی "فارس"یش ئاماژەی بەوە کردووە کە دەنگی چەندین تەقینەوە لە نزیک دوورگەی خارک بیستراوە.
ژمارەی خوێندراو : 162 جار