ئەم بریارەی وەزیری ئەوقاف، دروستکردنی فشار و بەربەستە لەبەردەم ئەو رێکخراوە ئیسلامییە پەروەردەییانە کە خۆبەخشانە بونەتە چرای ڕۆشنکردنەوەی کۆمەڵگە و چەتری پاراستنی بەهاکانی خێزان و کۆمەڵگە و رەوشتی گەنجەکانمان .
هەموو ئەو ڕێکخراو و ناوەندانە لە فەرمانگەی ڕێکخراوە ناحکومییەکانی حکومەتی هەرێم مۆڵەتی فەرمییان هەیە و، بەپێی یاسا کار و چالاکی دەکەن .
ئەمەی وەزیری ئەوقاف داوایدەکات، تەواو نایاساییە و بۆی ناچێتەسەر، بۆیە هیوادارم بەڕێزیان ئەو نوسراوە بکێشێتەوە و، کارێک نەکات، کە هێندەی دیکە خەڵکی مسوڵمانی کوردستان نیگەران و توڕە بکات .
ئێوە گەر لە خەمی ئارامی و پاراستنی کۆمەڵگەدان، ئەو باڕ و یانەی شەوان و، شوێنانەی دیکە دابخەن کە بووەتە مۆڵگەی لادان و خوی قێزەون .
لە ڕێکخراوە ئیسلامییەکان بگەڕێن، تاکە مەئوایەکی ئارام و ڕوون مابێ و، ئێستا و ئایندەی گەنجەکانمان بپارێزێت، لای ئەوان و هەموو ئەو ڕێکخراو و ناوەندە پەروەردەییانەیە کە لە خەمی ئەخلاقی گەنجان و، پاراستنی بەژمهاکانی کۆمەڵگەدان !