وەزیری گواستنەوە و گەیاندنی هەرێمی کوردستان
دەڵێت، دەیانەوێت خێرایی ئینتەرنێت لە هەرێمی کوردستان زیاد بکەن، "بەڵام
حکومەتی عێراق رێگە نادات."
ئانۆ جەوهەر، وەزیری گواستنەوە و گەیاندنی هەرێمی
کوردستان ڕایگەیاند، هێڵەکانی ئینتەرنێت ئێستا لە هەرێمی کوردستان چ لەرووی نرخ و
چ لەرووی خێراییەوە لە ئینتەرنێتی بەغدا و پارێزگاکانی دیکەی عێراق باشتر و
گونجاوترن
دەشڵێت: ئینتەرنێتی هەرێمی کوردستان نەک تەنیا لە
عێراق، بەڵکو لە وڵاتانی دراوسێی عێراقیش خێراتر و هەرزانترە
بە وتەی وەزیری گواستنەوە و گەیاندن، تۆڕی
ئینتەرنێت ئێستا لە هەرێمی کوردستان لە توانایدایە خێراتر بکرێت، بەڵام خێراکردنی
ئینتەرنێت پێویستی بە رێگەپێدانی بەغدا هەیە و ئەگەر حکومەتی عێراق رێگە بدات،
ئەوا هەرێمی کوردستان ژمارەی تاوەرەکانی پەخشکردنی هێڵی ئینتەرنێت زیاتر دەکات و
خێرایی هێڵەکانیش بەشێوەیەکی گشتی بەرزتر دەکاتەوە.
ژمارەی خوێندراو : 284 جار