دەستەی پەخشی (کان)ی سەر بە قەوارەی زایۆنی ڕایگەیاند، دۆناڵد ترەمپ سەرۆکی تازە هەڵبژێردراوی ئەمریکا بەنیازە سزا بەسەر بەرپرسانی دادگای تاوانەکانی نێودەوڵەتیدا بسەپێنێت، دوای دەرکردنی فەرمانی دەستگیرکردن لەدژی بەرپرسانی زایۆنی، وەک بنیامین ناتانیاهۆ سەرۆک وەزیرانی قەوارەی زایۆنی و گالانت وەزیری بەرگری لەکارلادراو.
دەستەکە لەسەر زاری سەرچاوەیەکی بێناوەوە لەواشنتۆن پشتڕاستیکردەوە کە ئیدارەی داهاتوی ئەمریکا پلانی هەیە سزای کەسیی بەسەر کەریم خان داواکاری گشتیی دادگاکەدا بسەپێنێت، هەروەها ئەو دادوەرانەی فەرمانی دەستگیرکردنەکەیان دەرکردوە.
مایک والتز کاندیدی ترەمپ بۆ ڕاوێژکاری ئاسایشی نیشتمانی لەپۆستێکدا لەپلاتفۆرمی ئێکس ئەم زانیارییەی پشتڕاستکردوه‌تەوە.
ڕۆژی پێنجشەممەی ڕابردوو، دادگای تاوانی نێودەوڵەتیی فەرمانی دەستگیرکردنی بۆ بنیامین ناتانیاهۆ سەرۆک وەزیرانی قەوارەی زا/یۆ/نی و گالانت وەزیری بەرگری پێشوو بەرپرسانی بزوتنەوەی حەماس دەرکرد، بەتۆمەتی ئەنجامدانی تاوانی جەنگ.
#روون_میدیا
ژمارەی خوێندراو : 15 جار