محەمەد شەیاع سودانی، سه‌رۆك وه‌زیرانی عێراق لە ڕێوڕەسمی یادکردنەوەی ساڵیادی شەهیدبونی محەمەد باقر حەکیم لە بەغدادی ڕایگه‌یاند :
ـ بۆ ماوەی زیاتر لە ساڵێکە، ناوچەکەمان پێشکەوتنی گرنگی بەخۆوە بینیوە، لە ئەنجامدا گۆڕانکاری سیاسی گەورەی لێکەوتوەتەوە، هەر لەسەرەتای ڕوداوەکانی سوریاوە بەپەرۆش بوین، بۆ ئەوەی عێراق لەلایەنگری کردنی لایەنێک یان گروپێک دوربخەینەوە و بڕیاردان لەسەر چارەنوسی سوریا بۆ سورییەکان بەجێبهێڵین.
ـ کەسانێک هەوڵیاندا گۆڕانکارییەکانی سوریا ببەستنەوە بە قسەکردن لەسەر گۆڕینی سیستمی سیاسی لە عێراق، ئەمەش قابیلی قسەلەسەر كردن نییە
 ـ ئێمە سیستەمێکی دیموکراسی فرەییمان هەیە کە هەموان لەخۆدەگرێت، گواستنەوەی ئاشتیانەی دەسەڵات مسۆگەر دەکات، هەروەها ڕێگە بە چاکسازی و ڕاستکردنەوەی ناهاوسەنگیەکان دەدات لە ژێر چەتری دەستور و یاسادا.
ـ هیچ کەسێک مافی ئەوەی نییە گۆڕانکاری و چاکسازیمان بەسەردا بسەپێنێت، چ لە بواری ئابووریدا بێت یا ئەمنی، و لەهەمان کاتدا ئێمە دان بەوەدا دەنێین کە پێویستی بە پرۆسەی چاکسازی هەیە لە جومگە جیاجیاکاندا.
ـ پێویستە پێداچونەوەی ئەوە بکەین کە بەدیهاتوە و ئەوەی دواکەوتوین و دەستکەوتەکانیش گەورەتر و زیاتر دەبن، چونکە سیستمێکی سیاسیمان لەسەر بنەمای دەستورێک دامەزراند، کە نوێنەرایەتی هەموو عێراقییەکان دەکات
ـ حکومەتەکەمان پەرۆشە بۆ بنیاتنانەوەی پەیوەندییەکانی عێراق لەگەڵ هەمو وڵاتان، بەپێی پرەنسیپی (دیپلۆماسی بەرهەمدار) و دەستپێکردنی هاوبەشی ئابوری و گەشەپێدان کە عێراق بکاتە خاڵی کۆبونەوەی بەرژەوەندییەکان نەک جێگەی ململانێ و پێکدادان
ـ لەماوەی چەند مانگی ڕابردودا کارمان کردوە بۆ ئەوەی عێراق نەبێتە گۆڕەپانی جەنگ و بەڕاوێژ لەگەڵ برایان و دۆستانمان و بەپشتیوانی بەردەوامی هێزە سیاسییە نیشتمانییەکانی حکومەت لەم پرۆسەیەدا هەوڵمان داوە

ژمارەی خوێندراو : 5 جار