محه‌مه‌د بن سه‌لمان شازاده‌ی جێنشینی سعودیه‌ و ‌ ئیمانوێل ماكرۆن سه‌رۆك كۆماری فڕه‌نسا و جۆرجیا مێلۆنی سه‌رۆك وه‌زیرانی ئیتاڵیا  داوای دەكەن گرژیەكان ڕاگیرین و  پەرەسەندنی زیاتر رونەدات.
له‌ میانی پەیوەندی تەلەفۆنی نیوانیاندا، پێداچونه‌وه‌ به‌ دوایین پێشهاته‌كان كرا و باسیان له‌ كاردانه‌وه‌ی جددی ئۆپه‌راسیۆنه‌ سه‌ربازییه‌كانی ئه‌م دواییه‌ی ئیسرائیل دژی ئێران كرد.
به‌گوێره‌ی راگه‌یه‌ندراوێكی شانشینی سعودیه‌، هه‌مو لایه‌نه‌كان جه‌ختیان له‌سه‌ر پێویستی كه‌مكردنه‌وه‌ی په‌ره‌سه‌ندن و خۆگرتن و چاره‌سه‌ركردنی ناكۆكییه‌كان له‌ ڕێگه‌ی ڕێگه‌ی دیپلۆماسییه‌وه‌ بۆ دوركه‌وتنه‌وه‌ له‌ په‌ره‌سه‌ندنی فراوانتری قه‌یرانه‌كه‌ كرده‌وه‌.  
جه‌ختیان له‌ گرنگی به‌هێزكردنی هاوكارییه‌ نێوده‌وڵه‌تییه‌كان كرده‌وه‌ بۆ كۆنتڕۆڵكردنی گرژییه‌كان و دوركه‌وتنه‌وه‌ له‌ هه‌ر كردارێك كه‌ بتوانێت دۆخه‌كه‌ خراپتر بكات، جه‌ختیان له‌سه‌ر دیالۆگ كرده‌وه‌ وه‌ك ئامرازی سه‌ره‌كی بۆ گه‌یشتن به‌ سه‌قامگیری له‌ ناوچه‌كه‌دا.

ژمارەی خوێندراو : 33 جار