وەزارەتی بەرگری ڕوسیا:
ـ لە ماوەی 26ی (تەمموز/7) تا 1ی (ئاب/8)، هێزەکانی ڕوسیا، حەوت هێرشی بەکۆمەڵیان بە چەکی ورد و فڕۆکەی بێفڕۆکەوانی هێرشبەرییەوە ئەنجامدا. 
ـ لە هێرشەكاندا دامەزراوەکانی کۆمەڵگەی پیشەسازیی سەربازیی لە ئۆکرانیا، ژێرخانی فڕۆکەخانە سەربازییەکان، پێگەكانی بەرهەمهێنانی فڕۆکەی بێفڕۆکەوان و پێکهاتەکانی، خاڵەکانی کۆنترۆڵی فڕۆکە بێفڕۆکەوانە دورمەوداکان، کۆگاکانی سیستەمی ڕۆبۆتی، چەکی موشەکی و تەقەمەنی، هەروەها خاڵەکانی نیشتەجێبونی کاتیی یەکە ئۆکرانییەکان و ناسیۆنالیستەکان و بەکرێگیراوە بیانییەکانیان کردە ئامانج
ـ  یەکەکانی گروپی هێزەکانی ناوەند بەردەوام بون لە ئۆپەراسیۆنە هێرشبەرییەکانیان لەسەر خاکی دۆنێتسک و پارێزگای دنیپرۆپترۆڤسک لە ماوەی هەفتەکەدا، بایکۆڤکا و بلگیکا و نۆڤۆئۆکرینکایان کۆنترۆڵ کردوە، کە سەر بە دۆنێتسکن.
ـ لە ماوەی هەفتەیەکدا، یەکەکانی گروپی ڕۆژهەڵات چونەتە قوڵایی بەرگرییەکانی دوژمنەوە و شارۆچکەکانی زیلیۆنی گای لە دۆنێتسک، مالیڤکا لە پارێزگای دنیپرۆپترۆڤسک و تیمیرۆڤکا لە پارێزگای زاپۆریژیایان کۆنترۆڵکردوە
ـ یەکەکانی هێزەکانی "باشور" شاری چاسیڤ یاریان لە دۆنێتسک کۆنترۆڵ کردوە، و زیانەکانی هێزەکانی ئۆکرانیا لە ماوەی هەفتەیەکدا زیاتر لە هەزار و 325 سەرباز و دو تانک بون تەنهاو لەو بەرەیەدا.

ژمارەی خوێندراو : 39 جار