ئەحمەد شەرع، سەرۆکی سوریا، ئەمڕۆ دووشەممە لە کۆشکی گەل لە دیمەشق، پێشوازی لە نێچیرڤان بارزانی، سەرۆکی هەرێمی کوردستان دەکات کە بە سەردانێکی فەرمی گەیشتووەتە ئەو وڵاتە.
بەپێی هەواڵێکی ئاژانسی فەرمی سووریا بڕیارە لە دیدارەکەدا، هەردوولا گفتوگۆ لەبارەی پەیوەندییە دووقۆڵییەکان و چەندین پرسی جێگەی بایەخی هاوبەش بکەن، ئەمەش بە ئامانجی بەهێزکردنی هاوکاری و هەماهەنگیی نێوانیان لە بوارە جیاوازەکاندا.
ئەم سەردانە لە چوارچێوەی پەیوەندییە بەردەوامەکانی نێوان هەردوولادا دێت، بۆ تاوتوێکردنی ڕێگەکانی بەرەوپێشبردنی پەیوەندییەکان و بەهێزکردنی هەماهەنگییەکان، بە جۆرێک کە خزمەت بە بەرژەوەندییە هاوبەشەکان بکات.
ژمارەی خوێندراو : 159 جار