فەرهاد پیرباڵ نوسەر و ڕۆشنبیری کوردستان دوای ئەوەی دوێنێ شەو لە ناوبازاری هەولێر بەشێک لە کتێبەکانی سوتاند و ئەمڕۆ ڕایدەگەیەنێت ، حەوت ساڵە کتێبخانەکەمیان داخستوە و مۆڵەتم نادەنێ، ئەگەر بمکردایە بە مەیخجانە و یانەی شەوانە رێگەیان پیدەدام، لەبەشێكی تری قسەکانیدا دەڵێت. " لە کاتی زیادکراوی ژیانم دەژیم و چاوەرێم بە گولەی ڕەوان بارزانی، برای نێچیرڤان بارزانی بکوژرێم، چونکە سوێندی لیخواردوم بمکوژێ"

فەرهاد پیرباڵ دەڵێت، کتێبخانەکەم حەوت ساڵە قفڵی لێدراوە و مۆڵەتم نادەنێ تا کاربکەم، ئەگەر بهاتایە یانەیەکی شەوانەم دانایە یاخود شوێنێکم بۆ مەیخواردنەوە دانابایە، مۆڵەتیان پێدەدام و دەبووم بە گەورەترین سەرمایەدار چونکە هەموو ئەو شتانە قەدری گرانە و مرۆڤ دەوڵەمەند دەکات، بەڵام کتێب سوودی نیە بۆیە بەرپرسانی کورد بە گەورە و بچوکیانەوە پاڵپشتی لە قومار و مەیخانە و یانە شەوانەکان دەکەن .
بە توڕە بونەوە دەڵێت " ئەمەوێت ئەو قسانە بکەم لە کۆتایی ڕۆژەکانی تەمەنم " بەشێكی زۆر لە بەرپرسان بە پارەی حەرام کاردەکەن ، پارەی حەرام بخۆ ئەگەر یاسات لە پشت بێت سەردەکەویت، لەکاتێکدا یاساکەش خۆیان دایانناوە .
فەرهاد پیرباڵ نائومیدی خۆی نەشاردەوە لەو فشارانەی دەیخەنە سەری و بەهۆی ڕێگەنەدان بە کردنەوەی کتیبخانەکەی دەڵێت " ڕەنگە ڕۆژێک کتێبخانەکەم بسوتێنم "
لەم قسانەیدا ئاماژەی بەوە دەدات، بەهۆی ئەم قسانەمەوە یان بە گولەیەک کۆتایی ڕۆژەکانی تەمەنمە یان دەبێتە سەرەتای تەمەنم،هەروەها چەند پەیامێک ئاڕاستەی نێچیرڤان بارزانی سەرۆکی هەرێم دەکات و پیی دەڵێت" ئەگەر وەک ئەو بازرگانی ماددەی هۆشبەرم بکردایە ئێستا لەکوێ دەبووم "
ئاشکرای دەکات لە مانگی هەشت دەبێت پاکتاو بکرێم، یان دەمێنم یان دەمکوژن، چونکە هۆکاری سەرەکی ئەم هەموو کێشەیەی ڕووبەڕووم دەبێتەوە نێچیرڤان بارزانیە ، ڕەوان بارزانی برای سوێندی لێخواردم و پێی وتم " بە گۆڕی مەلا مستەفا فەرهاد دەبێت بتکوژم" .
لە بەشێکی تری قسەکانیدا دەڵێت، پرۆفیسۆرێکی وەک من گونجاوە هاوار بکەم بڵێم خۆزگە کتێبخانەکەم بکرایەبا مەیخانە و یانەی شەوانە ، بە دڵێکی پر لە خەم و بە توڕەییەوە دەڵێت لە کاتی زیادکراوی ژیانمدا دەژیم و چاوەرێم بە گولەیەک کۆتایی بە ژیانم بهێنن

ژمارەی خوێندراو : 643 جار