#روون_میدیا
حكومەتی فیدراڵیی عێراق بە بڕیارێك كێشەی موچەی فەرمانبەرانی هەرێمی
كوردستان چارەسەركرد و، بڕیارەكەش دەبێتە بنەما بۆ هەمواری یاسای بودجەی عێراق بۆ
ساڵی 2024 .
بەپێی بڕیارەكە، بۆ لەمەودوا، بەغدا ڕێژەی (12.67) ی كۆی پارەی
تەرخانكراو بۆ موچەی فەرمانبەرانی عێراق، دەنێرێت بۆ موچەی فەرمانبەرانی هەرێمی
كوردستان .
بەپێی ئەو بڕێارەش، هەموو مانگێك بڕە پارەی تەرخانكراو بۆ موچەی
فەرمانبەرانی هەرێمی كوردستان كە لە بەغداوە دێت، بڕەكەی (619) ملیار دینارە و ئەم
بڕەش قەرز نیە بەڵكو جێگیرە .
بڕیارەكەی بەغدا لەبەرژەوەندی فەرمانبەرانی
هەرێمی كوردستانەوە و وەك ساڵانی پێشوو هاتنی ئەو پارەیەی نەبەستوەتەوە بە ڕادەستكردنی
نەوت و ناكۆكییە سیاسییەكانی نێوان هەولێر و بەغداوە .
بەپێی ئەو داتایانەی كە حكومەتە كاربەڕێكەرەكەی
هەرێم پێشكەشی وەزارەتی دارایی و دیوانی چاودێریی دارایی عێراقی كردووە، داهاتی
ناوخۆی هەرێمی كوردستان مانگانە (340) ملیار دینارە .
كۆی داهاتی ناوخۆی هەرێم و ئەو پارەیەی
مانگانە بۆ موچە لە بەغداوە دێت، دەكاتە (950) ملیار .
كاربەم بڕیارە دەكرێت تا هەمواری یاسای
بودجە، دواتر ئەم بڕیارە لە هەموارەكەدا جێگیر دەكرێت و دەبێتە یاسا .
#هەرێم
#بەغدا
#موچە
نەبەستراوە بە هیچەوە
ژمارەی خوێندراو : 1445 جار