- چالاکوانانی لایەنگری فەلەستین ڕێپێوانیان لە شەقامەکانی شارەكان لە سەرانسەری ئەمریکا و سەرتاسەری جیهان ڕێکخست و دەستدرێژی ئیسرائیلیان بۆ سەر کەرتی غەززە ئیدانە کرد، ئەو هێرش و دەستدرێژییانەی كە بووەتە هۆی کوژران و برینداربوونی سەدان کەس کە زۆربەیان منداڵ و ژن بوون بە كاریكی وەحشیگەرانە ناوبرد
ـ بە گوێرەی ئەو گرتە ڤیدیۆییانەی کە لە پەیجەکانی سۆشیال میدیای لایەنگری فەلەستین بڵاوکراونەتەوە، خۆپیشاندانەکان لە شاری سیاتڵ لە ویلایەتی واشنتۆن لە ویلایەتی کالیفۆرنیا و میلواکیی ویلایەتی ویسکۆنسیندا سەریهەڵدا؛
خۆپیشاندەران خوازیاری قەدەغەکردنی پرۆسەی پڕچەککردنی ئیسرائیل بوون كە بۆ  جینۆسایدی خەلكی غەززە بەكاریان دەهینیت، هەروەها وای ئازادکردنی خوێندکاری فەلەستینی مەحمود خەلیل دەكەن
ـ لە شاری مینیاپۆلیسی ئەمریکا، دەیان خۆپیشاندەری لایەنگری فەلەستین لە بەردەم کونسوڵخانەی ئیسرائیل کۆبوونەوە و تابلۆی خوازیاری کۆتایی هێنان بە کۆمەڵکوژی لە کەرتی غەززەیا بەرزكردوەتەوە.
خۆپیشاندانەکەی مینیاپۆلیس کە تەنها چوار کاتژمێر پێشوەخت ڕاگەیەندرا، سەرنجێکی زۆری خەلكی ڕاکێشا، چونکە ەسەر شەقامە قەرەبالغەكان بوو هاتۆچۆشی راگرتبوو

ـ لە شاری سانتیاگۆی پایتەختی شیلی خۆپیشاندانێکی گەورەی لایەنگری فەلەستین لەبەردەم باڵیۆزخانەی ئەمریکا لەو شارە بەڕێوەچوو خۆپیشاندەران لافیتەیەکی گەورەیان بەرزكردبویەوە کە لەسەری نووسرابوو "حکومەتی ئەمریکا، ئێوە هەمیشە کابوسی جیهان بوون".
حکومەتی شیلی ئەم خۆپیشاندانەی بەترسناك ناو بردوو پشتیوانی خۆپیشاندەرانمی كردو نیگەرانی توندی خۆی بۆ هێرشەکەی ئیسرائیل بۆ سەر خەڵکی سڤیل لە غەززە" دەربڕی کە بووە هۆی کوژران و برینداربوونی سەدان کەس کە زۆربەیان ژن و منداڵ بوون.
ـ لە فەرەنسا، خۆپیشاندەران لە پاریسی پایتەخت، پێشێلکردنی ڕێککەوتننامەی ئاگربەست لەلایەن ئیسرائیل و دەستپێکردنەوەی هێرشەکانی بۆ سەر کەرتی غەززەیان شەرمەزار کرد.
خۆپیشاندەران خوازیاری کۆتایی هێنان بە شەڕی سەر غەززە و کۆتایی هێنان بە دەستبەجێی گەمارۆی کەرتی غەززە و کۆتایی هێنان بە جینۆسایدی ئیسرائیل لە غەززە و لێپرسینەوە لە ناتانیاهۆ و سەرکردە داگیرکەرەکان و بایکۆتکردنی ئیسرائیلیان كرد.
ـ لە ئیتاڵیا، لەشاری میلان پێکدادان لەنێوان پۆلیس و خۆپیشاندەرانی لایەنگری فەلەستین سەریهەڵدا، کە سەدان کەس خۆپیشاندانیان کرد بۆ داوای ئاگربەستی هەمیشەیی لە غەززە، ئەمەش لە کاتێکدایە کە دانوستانەکانی ئاگربەستی نێوان ئیسرائیل و حەماس چەقبەستوویی هەبووە و لە لایەن قەوارەی زایۆنییەوە پێشێكراوە

ـ دوێنێش هەزاران کەس لە شەقامەکانی لەندەن بە هاوسۆزی لەگەڵ فەلەستین خۆپیشاندانیان کرد و داوای "ئازادی و دادپەروەری"یان بۆ غەززە کرد و ئیسرائیلیان بە پێشێلکردنی ئاگربەست تۆمەتبار کرد.
ـ لە گرتە ڤیدیۆییەکاندا دەردەکەوێت کە جەماوەرێکی زۆر لە شاری پیکادیلی، لە چوارچێوەی ڕێپێوانی نیشتمانی فەلەستین، ئاڵا هەڵدەدەن و تابلۆیەکیان بەدەستەوەیە کە لەسەری نووسراوە: "واز لە چەکدارکردنی ئیسرائیل" و "دەستگیرکردنی نەتانیاهۆ لەسەر تاوانەکانی جەنگ" بهێنن
ـ لە ئەمستردامی پایتەختی هۆڵەندا، خۆپیشاندانێکی دیکە بۆ پشتیوانی لە غەززە و دژی ئەو جینۆسایدەی ئیسرائیل لە دژی فەلەستینییەکان جێبەجێی دەكات ئەنجامدرا.
ـ هەروەها ئەنقەرە، ئەستەنبوڵ، دیاربەکر و شارەکانی دیکەی تورکیا شاهیدی خۆپیشاندانەکان بوون کە کۆمەڵکوژییەکانی ئیسرائیل لە دژی دانیشتوانی کەرتی غەززە شەرمەزار دەکرد.
خۆپیشاندەران قەوارەی زایۆنییان تۆمەتبار کرد بەوەی کە لە ڕێگەی دەستدرێژییە بەردەوامەکانی بۆ سەر کەرتی غەززە کۆمەڵکوژی ئەنجامداوە، داواشیان لە کۆمەڵگەی نێودەوڵەتی کرد کە لێپرسینەوەی لەگەڵدا بکات لەسەر ئەو تاوانانە.
ڕێکخراوەکانی تورکیا لەوان کۆمەڵەی لاوانی ئەنادۆڵ و دەزگای فریاگوزاری مرۆیی و هاوپەیمانی دامودەزگاکانی تورکیا بۆ قودس، داوای خۆپیشاندان بۆ پشتیوانی لە کەرتی غەززە لە شارە جۆربەجۆرەکانی تورکیا و بەردەوامی بایکۆتکردنی ئیسرائیل و بەرهەمی ئەو کۆمپانیایانەیان کرد کە پشتیوانی لێدەکەن.
ـ لە عەممانی پایتەختی ئوردن، هەزاران خۆپیشاندەر ڕژانە سەر شەقامەکان بۆ ئیدانەکردنی کۆمەڵکوژییەکانی ئەم دواییەی ئیسرائیل لە کەرتی غەززە، کە بووە هۆی گیانلەدەستدانی سەدان هاوڵاتی مەدەنی کە زۆربەیان ژن و منداڵ بوون.
ئێوارەی دوێنێ سێشەممە، بزووتنەوەی خۆڕاگری ئیسلامی (حەماس) داوای لە گەلانی عەرەب و ئیسلامی و خەڵکی ئازاد لە سەرانسەری جیهان کرد کە "هەنگاوی بەپەلە بگرنەبەر" و چالاکانە بەشداری لە گەمارۆدانی باڵیۆزخانەکانی ئیسرائیل و ئەمریکا لە پایتەختە جیاجیاکانی جیهان بکەن.
بزووتنەوەکە لە بەیاننامەیەکدا دووپاتیکردەوە کە ئەم هەنگاوە "لە وەڵامی دەستپێکردنەوەی دەستدرێژییە سەربازییەکانی حکومەتی ئیسرائیل و هەڵوەشاندنەوەی ڕێککەوتنی ئاگربەست و پێشێلکردنی هەموو یاسا و نۆرمەکانی نێودەوڵەتی و مرۆیی" دێت.

ژمارەی خوێندراو : 112 جار