بنیامین ناتانیاهۆ، سەرۆکوەزیرانی ئیسرائیل ڕۆژی یەکشەممە هێرشی کردە سەر ئیمانوێل ماکرۆن، سەرۆکی فەرەنسا دوای ئەوەی نیازی پاریس بۆ داننان بە دەوڵەتێکی فەلەستینی پشتڕاستکردەوە و ڕایگەیاند، ماکرۆن "هەڵەیەكی گەورەی کردووە" لە پشتیوانیکردنی ئەو هەنگاوە.
ناتانیاهۆ ئاماژەی بەوەشکرد، دامەزراندنی دەوڵەتی فەلەستینی "لە دڵی نیشتمانەکەماندا"، وەک خۆی دەڵێت، جێگەی قبوڵکردن نییە، چونکە "تەنها ئاواتەخوازە ئێمە لەناوببات"، ئاماژەی بەوەشکرد، ئیسرائیل ناخاتە مەترسییەوە بەهۆی ئەوەی بە "فانتازیا جیابووەکان لە واقیع" وەسفی دەکات.
نەتانیاهۆ جەختی لەوە کردەوە کە وانە ئەخلاقییەکان کە داوای دامەزراندنی دەوڵەتی فەلەستین دەکەن، لەلایەن ئەو وڵاتانەی کە دژایەتی سەربەخۆیی کۆرسیکا و کالیدۆنیای نوێ دەکەن، قبوڵ ناکرێت.
لێدوانەکانی نەتانیاهۆ دوای چەند ڕۆژێک دێت کە ماکرۆن ڕایگەیاند کە وڵاتەکەی بیر لە دانپێدانانی فەرمی دەوڵەتێکی فەلەستینی دەکاتەوە لە چەند مانگی داهاتوودا.
ماکرۆن ڕۆژی چوارشەممەی ڕابردوو ڕایگەیاند، ڕەنگە وڵاتەکەی دان بە دەوڵەتی فەلەستیندا بنێت لە میانی کۆنفرانسی نێودەوڵەتی سەبارەت بە چارەسەری دوو دەوڵەتی لە مانگی حوزەیرانی داهاتوودا.
ئەمەش لە چاوپێکەوتنێکدا بوو لەگەڵ کەناڵی فەرەنسا ٥ دوای سەردانەکەی بۆ میسر کە دوو ڕۆژە بوو.
ماکرۆن وتی: دەبێت بەرەو دانپێدانان بە (فەلەستین) هەنگاو بنێین و دەتوانین لە چەند مانگی داهاتوودا بگەینە ئەو ئاستە.
ئاماژەی بەوەشدا کە لە مانگی حوزەیرانی داهاتوودا هاوسەرۆکایەتی کۆنفرانسی نێودەوڵەتی سەبارەت بە چارەسەری دوو دەوڵەتی لەگەڵ سعودیە دەکات.

سەرۆکی فەرەنسا ڕوونیکردەوە کە ئامانجیان چارەسەرکردنی پرسی دانپێدانانی فەڵەستین لە میانی کۆنفرانسی پێشوودا.
ماکرۆن لە بەیاننامەیەکدا لە ساڵی ٢٠٢٤دا ئاماژەی بەوەدا کە داننان بە دەوڵەتێکی فەلەستینی بۆ فەرەنسا "تابۆ" نییە.
لە ٧ی تشرینی یەکەمی ٢٠٢٣ەوە ئۆپۆزسیۆن لە فەرەنسا داوای دەستبەجێی دانپێدانانی دەوڵەتی فەلەستین چڕتر کردووەتەوە.

ژمارەی خوێندراو : 417 جار