بنەماڵەی زیندانیانی ئیسرائیلی لە کەرتی غەززە، ئێوارەی ئەمڕۆ شەممە، بۆ داوای گەڕانەوەی ئەو کەسانەی لە غەززە دەستبەسەر کراون، داوای بەشداری لە دانیشتنەکانی غەززەو و تەلئەبیب دەكەن.
دەیان هاوڵاتی ئیسرائیلی لە دەرەوەی شوێنی نیشتەجێبوونی بنیامین ناتانیاهۆ، سەرۆکوەزیرانی ئیسرائیل لە قودس خۆپیشاندانیان کرد و داوای گەڕانەوەی دیلەکان لە کەرتی غەززە و کۆتاییهێنان بە شەڕەکەیان کرد.
ئەو بنەماڵانە نەتانیاهۆیان تۆمەتبار کردووە بەوەی کە ڕێگری لە ڕێککەوتنەکان کردووە کە ئامانج لێی گەڕاندنەوەی کوڕەکانیان بووە بۆ ماوەی نزیکەی دوو ساڵ. خۆپیشاندەران ترسی خۆیان دەربڕی کە زیندانییەکان لە دوای بڕیاری فراوانکردنی ئۆپەراسیۆنی سەربازی لە شاری غەززە تووشی مەترسی ببن.
ئێوارەی هەینی ڕابردوو پۆلیسی ئیسرائیل هەوڵیدا ئەو دانیشتنە چوار ڕۆژە لە دەرەوەی شوێنی نیشتەجێبوونی بنیامین ناتانیاهۆ، سەرۆکوەزیرانی ئیسرائیل لە قودس بڵاوەپێبکات.
دانی میران، باوکی ئۆمری میران زیندانی ئیسرائیلی لە کەرتی غەززە لە وتارەکەیدا بۆ خۆپیشاندەران، ترسی قوڵی خۆی دەربڕی لەوەی کە پەرەسەندنی ئۆپەراسیۆنە سەربازییەکان لە شاری غەززە ببێتە هۆی کوژرانی کوڕەکەی کە نزیکەی دوو ساڵە لەوێ دەستبەسەرە.
بە گوتەی یەدیوت ئەهرۆنۆت، میران وتی، "گریمانە دەکەم کوڕەکەم لە ناوچەی شارەکە دەستبەسەر بێت، لە ئێستادا سوپا مەشقی مەیدانی لەوێ ئەنجام دەدات، ئەمە جێگەی نیگەرانی و ترسناکە".
لە درێژەی قسەکانیدا وتی: ترسم لە ژیانی ئەو هەیە، دەترسم مووشەکێکی بێسەرپەرشتی ئیسرائیل لەو شوێنە بکەوێت کە ئەو لێیە و گەورەترین ترسی من ئەوەیە کە بیکوژن.
ئاماژەی بەوەشکردووە، "ئەو بیرکردنەوە لەوەی دوای چوونە ناو غەززە و بۆردومانە بەردەوامەکان، ڕەنگە (کوڕەکەم) بە تابوتێک یان جانتایەکی ڕەشەوە بگەڕێتەوە، ئەوەیە کە شەوانە بەخەبەرم دەهێڵێتەوە. لێم خۆشبە کوڕەکەم".
دوێنێ هەینی، سوپای ئیسرائیل قوڵبوونەوەی لەشکرکێشی خۆی بۆ سەر شاری غەززە ڕاگەیاند، کە لە 11ی ئاب هێرشێکی بەرفراوانی بۆ داگیرکردنی شارەکە دەستپێکرد. ئۆپەراسیۆنەکە ناوی کۆدی "گیدیۆن ٢"ی لێنراوە، بریتی بووە لە ڕووخاندنی ماڵەکان بە بەکارهێنانی ڕۆبۆتی گیریخواردووی بووبی، تۆپبارانکردن، تەقەکردنی بێ جیاوازی و ئاوارەبوونی زۆرەملێ.
بە پاڵپشتی ئەمریکا، ئیسرائیل لە ٧ی تشرینی یەکەمی ٢٠٢٣ەوە کۆمەڵکوژی لە غەززە ئەنجام دەدات و لانیکەم ٦٥ هەزار و ١٧٤ کەس کوژراون و ١٦٦ هەزار و ٧١ کەسیش بریندار بوون کە زۆربەیان منداڵ و ژن بوون. هەروەها برسێتییەکی لێکەوتووەتەوە کە بووەتە هۆی گیانلەدەستدانی ٤٤٠ فەلەستینی کە ١٤٨یان منداڵ بوون.

ژمارەی خوێندراو : 42 جار