فائق شیخ عەلی ئەو پیاوەیە لە ساڵی 2002 بە
سەدام حسێنی وتبوو " ساڵی داهاتوو ئاهەنگی لە دایكبوونت لە كوشكی كۆماری
ناگێڕیت.
ئەو پێشبینیەی راست دەرچوو زۆری نەخایاند
سەدام و دەسەڵاتەكە پێچرانەوە و رۆژی لە دایكبوونەكەشی لە ناو چاڵێكدا خۆی
شاردبوویەوە.
بەڵام ئایا ئەم پێشبینیەی فائق شیخ عەلی
سوتفەبوو یان لە سەر بنەمای زانیاری و رووداوەكان پێشبینیەكانی دەخاتەروو.
فائق شیخ عەلی لە ساڵی 2019 لە تویتێكدا
دەنوسێت
" فرۆكەكان هەڵفڕین و میلیشیاكان دەكرێنە
كەباب"
ئەوەبوو لە یەكی سێ 2020 قاسم سولەیمانی فەرماندەی
سوپای قودس و ئەبوومەهدی موهەندیس فەرماندەی حەشدی شەعبی بە فرۆكەی بێفرۆكەوانی
ئەمریكا كرانە ئامانج و كوژران.
فائق شیخ عەلی لە چەند رۆژی رابردوودا دركەوتەوە
و لە دیدارێكی تەلەفزیونیدا پێشبینیەكی نوێ لەسەر عێراق بڵاوكردوە و دەڵێت "
بە دەقیقی تا ساڵی 2024 ئەم سیستەمە حكومڕانیەی عێراق لە ناو دەچێت و بەرپرسەكانی
ئێستای عێراق سەرجەمیان دەستگیر دەكرێن و بە سزای لە سێدارە دان دادگای دەكرێن.
فائق شێخ عەلی ئەوەشی وت كە ئیدی ئەو تا
پێشبینیەكەی نەیتەدی لە میدیاكانەوە دەرناكەوێتەوە.
فائق شێخ عەلی كێیە ؟
فائیق عەبدڵڵا شێخ عەلی لە ١٩٦٣ لە شاری نەجەفی عێراق لە داێك بووە .
پارێزەر و سیاسەتمەداری لیبراڵی عێراقە.
بۆ ماوەی دوو خول لەسەر یەک ئەندامی
پەرلەمانی عێراق بووە.
سکرتێری گشتیی پارتی گەل بۆ چاکسازییە.
فائق شیخ عەلی یەكێك بووە لەو سیاسیانەی عێراق دە لە ساڵی 2011وە دژایەتی
خۆی بۆ نوری مالیكی نەشاردووەتەوە
ئەوەی روونە دوو لە پێشبینیەكانی ئەم سیاسیەتمەدارە هاتوونەتە دی بەڵام
ەوەی ناروونە ئاخۆ پێشینیە تازەكەی لە سەر
بنەمای دژایەتی نوری مالیكیە كە بریارە ببیتەوە بە سەركۆ وەزیرانی عێراق یان خراپی
بارودۆخی عێراق و گوڕانكارییەكانی ناوچەكەیە.
ژمارەی خوێندراو : 100 جار