فەرماندەی سوپای قودسی ئێران بە پەیامێكی توندەوە هاتوەتەوە بۆ هەرێمی كوردستان و هەڕەشە لە پارتی دەكگات و دەڵێت لەسەر پێكهێنانی حكومەت و هەڵبژاردنی سەرۆككۆمار لەگەڵ یەكیتی رێكبكەون

بە پێی زانیارییەكانی روون میدیا  "ئیسماعیل قائانی فەرماندەی سوپای قودسی ئێران بۆ جارێكی تر هاتووەتەوە بۆهەرێم كوردستان تا نیوەندیگری لە نێوان یەكیتی وپارتی بكات.

سەردانەکەی قائانی بەمەبەستی ناچارکردنی ئەو دوو هێزە کوردیەیە تا لەسەر پۆستی سەرۆک کۆماری داهاتوی عێراق بگەنە ڕێککەوتن و روون میدیاش زانیویەتی كە ئێران لەگەڵ كاندیدەكەی یەكیتی نیشتیمانی كوردستاندایە كە ئەویش بەرهەم ساڵحە.

پارتی و یەکێتی لەسەر پۆستی سەرۆک کۆمار لە كۆبوونەوەی ئاسایی و نائاساییەوە تا گەشتنە شەڕی راگەیاندن و گەیاندیانە مریشكەڕەشە بەڵام رێكنەكەوتن .

یەكیتی سورە لە سەر كاندید كردنی بەرهەم ساڵح و پارتیش لە گەیمی یەكەمدا كە هوشیار زێباری كاندیدی بوو دۆڕا و ئێستە بە هەموو شێوازێك دەیەوێت رێبەر ئەحمەد بكاتە سەرۆك كۆماری عێراق.

بە پێی زانیارییەكانی روون میدیا بەشێك لە فشارەكانی پێشووی قائانی لە سەری رەش لەسەر هەڵوەشاندنەوە هاوپەیمانی بارزانی و سەدرو حەلبوسی بوو كە پارتی بووبووە كۆڵەكەی ئەو رێككەوتنە و ئێستەش لە ساحەكەدا بە تەنها ماوەتەوە.

سەردانی ئەمجارەی ئیسماعیل قائانی فەرماندەی سوپای قودسی ئێران بۆ هەولێر وسلێمانی بۆ ئەوەیە راستەوخۆ یەكیتی وپارتی ناچار بە رێككەوتن بكات.

روون میدیا ئەوەشی زانیوە كە فەرماندەی سوپای قودسی ئیڕان لە سلێمانی پاڤڵ تاڵەبانی و چەند سەرکردەیەكی یەکێتی نیشتمانیی و لە هەولێر مەسعود بارزانیی بینیوە و چاوەرێ دەكات دوای جەژن ئەو دوو لایەنە بگەنە رێككەوتن.

قائانی بە روونی ئەوەی بە یەكیتی وپارتی وتووە  ، تاران نایەوێت هیچ گرفتێك بۆ پێکهێنانی حکومەت و هەڵبژاردنی سەرۆک کۆمار لە دوای جەژن دروست ببێت.

ئەوەی روونە و لە روون هەواڵەوە بڵاو دەبێتەوە ئەوەیە قائانی وتوویەتی ئەگەر پارتی لەگەڵ یەکێتی نەگاتە رێككەوتن ئەوا قائانی لایەنەکانی چوارچێوەی هەماهەنگیی ڕادەسپێرێت کە دژ بە کاندیدەکەی پارتی، دەنگ بە بەرهەم ساڵح بدەن.

ژمارەی خوێندراو : 112 جار