بهڕێوهبهرایهتی كهشناسی و بومهلهرزهزانی ههرێمی كوردستان بڵاویكردهوه، ئهمڕۆ ئاسمان نیمچە هەور دەبێت بە گشتی لە درەنگانی شەودا دەگۆڕێت بۆ هەوری تەواو لەگەڵ دەستپێکردنی شەپۆڵێکی بەفربارین لەسەر ناوچەکە، سەرەتا لە سنوری پارێزگای دهۆک و بەشەکانی ڕۆژئاوای هەرێم دەستپێدەکات پاشان بۆ ناوچەکانی دیكمه درێژدەبێتەوە.
ئاماژهی بهوهشكردوه، خێرایی با لەسەر خۆ دهبێت و له نێوان 5 بۆ 10 كیلۆمهتر دهبێت و ئاڕاستەی با باکورى ڕۆژهەڵات دهبێت و مەوداى بینین له نێوان 7 بۆ 8 كیلۆمهتر دهبێت.
بهپێی كهشناسی، سبەى هەینی بارستە هەوایەکی ساردی جەمسەری لەگەڵ شەپۆلێکی بەفربارین سەرجەمی ناوچەکەمان دەگرێتەوە.
ئاماژهی بهوهشكردوه، بەفربارین لە کاتەکانی شەوی پێنجشەممە دەستپێدەکات لە سنوری پارێزگای دهۆک و ئیدارەی زاخۆ و سەنتەری شەنگال و چیای شەنگال پاشان درێژدەبێتەوە بۆ بەشەکانی ناوەڕاست و ڕۆژهەڵاتی هەرێم.
كهشناسی دهڵێت، سەنتەری پارێزگاکان (هەولێر سلێمانی هەڵەبجە ) و قەزاو ناحیەکان و تەنانەت بەشێک لە سەنتەری پارێزگای کەرکووک و ئیدارەی گەرمیانیش بەفر بارینی دەبێت، شەپۆلی بەفربارین لەسەر ناوچە شاخاوییەکان و سنورییەکان بەهێز دەبێت.
ئهوهشی خستوهتهڕو، هەندێك کات لەگەڵ بەفربارین نمە بارانیش دەبێت لە هەندێك ناوچە، کەمبونەوەی مەودای بینین لە کاتی بەفر بارین بۆ کەمتر لە یهك کیلۆمهت و کاریگەری ئەو شەپۆلە لەسەر ناوچەکەمان لە شەوی هەینی هەمان ڕۆژ کۆتایی دێت.
بەرزترین پلەکانی گەرمای پێشبینیکراو بە پلەی سیلیزی
هەولێر : 3 پلەی سیلیزی
پیرمام : -1 پلەی سیلیزی
سۆران : -1 پلەی سیلیزی
حاجی ئۆمەران : -4 پلەی سیلیزی
سلێمانی : 1 پلەی سیلیزی
چەمچەماڵ: 2 پلەی سیلیزی
هەڵەبجە : 3 پلەی سیلیزی
دهۆک : 1 پلەی سیلیزی
زاخۆ : 3 پلەی سیلیزی
هەڵەبجە : 4 پلەی سیلیزی
ئاکرێ : 2 پلەی سیلیزی
ژمارەی خوێندراو : 78 جار